Premjera noweje serbskeje knihi:

"Nowa swoboda? - Dopomnjenki na přewrót 1989/90"

(Neue Freiheit? - Erinnerungen an die Wende 1989/90)

Pućowanska swoboda, demokratija, swoboda měnjenja – štož je dźensa samozrozumliwe, su sej ludźo tudy před 30 lětami z měrliwej rewoluciju wubědźili. Kniha „Nowa swoboda?“ z LND přinošuje k reflektowanju časa přewróta 1989/90 ze serbskeho wida. Wažna kniha k zrozumjenju historiskich wobstejnosćow a awtentiskimi rozprawami 12 časowych swědkow wuńdźe 9. nowembra 2020 a so na knižnej premjerje prěni raz předawa.

Program:

1. Podijowa diskusija

Moderator Roman Nuk w rozmołwje z awtorku Cordulu Ratajczakowej a časowymi swědkami Rejzu Šěnowej, Benediktom Rjedu a Měrkom Brankačkom wo swojich nazhonjenjach z přewrótoweho časa.

2. Čitanje

Wurězki z knihi čita Hanka Rjelcyna.

3. Live-hudźba

Mjeztym zo Měrko Brankačk připosłucharjow hudźbnje do přewrótoweho časa přewodźa, sadźi moderny HipHop akcent dźensnišeje młodźinskeje hudźby. Ze swojej debitowej single „Straight Outta Łužica“ zdoby sej serbska Hiphop-trójka Lil Handrij, FloJ & SMAN njedawno šwarny prěni wuspěch na YouTube: wjac hač 5000 króć so jich clip zwoła, a to w běhu njemało tydźeń.

Zhromadne zarjadowanje LND z Kamjentnym domom Budyšin

Pokiwy:

Ličba wopytowarjow je wobmjezowana. Přizjewjenja prošu hač do 4.11. 2020 přez eventbrite.de abo z mjenom a telefonowym čisłom w Smolerjec kniharni pod 03591/57 72 88 abo z e-mejlku na buchhandlung@domowina-verlag.de.

dalše informacije pod: domowina-verlag.de

Zastup: bjezpłatny / wot 18:00

Prosymy wo wužiwanje nahubnika a dodźerženje minimalneho wotstawka 1,50 m.

Ke knize:

Cordula Ratajczakowa

Nowa swoboda? ─ Dopomnjenki na přewrót 1989/90

čornoběłe fotografije wot Jürgena Maćija

19,90 €

Pućowanska swoboda, demokratija, swoboda měnjenja – štož je dźensa samozrozumliwe su sej ludźo tudy před 30 lětami z měrliwej rewoluciju wubědźili. Noworjadowanje hospodarstwa, wužiwanje/njewužiwanje nowych šansow w serbskim šulstwje, rozpušćenje prodrustwa – tehdyše rozsudy maja wliw hač do dźensnišeho a postajeja towaršnostnu runje tak kaž indiwidualnu situaciju tež Serbow.